Helvetii,
a Romanis profligati, omnium rerum inopiā ad desperationem adducti, suis rebus
diffisi, ad Caesarem legatos de deditione mittunt. Qui, cum eum in itinere
convenissent seque ad pedes eius proiecissent, suppliciter locuti, flentes
pacem petiverunt. Caesar, eos severe conspicatus, obsides, arma, servos
fugitivos, transfugas poposcit. Ea dum conquiruntur, circiter hominum milia sex
eius pagi, qui Verbigenus vocatur, opportunitatem fugae nacti, sive timore
perterriti sive spe salutis inducti, noctu e castris egressi, ad Rhenum et
fines Germanorum contenderunt. At Caesar, eos
prosecutus, Germanis imperavit ut eos comprehenderent et ad se reducerent.
Reductos in numero hostium habuit.
Nessun commento:
Posta un commento