Μελέτω
σοι τοῦ πλήθους, καὶ περὶ παντὸς ποιοῦ κεχαρισμένως αὐτοῖς ἄρχειν, γιγνώσκων ὅτι καὶ
τῶν ὀλιγαρχιῶν καὶ τῶν ἄλλων πολιτειῶν αὗται πλεῖστον χρόνον διαμένουσιν, αἵτινες
ἂν ἄριστα τὸ πλῆθος θεραπεύωσιν. Καλῶς δὲ δημαγωγήσεις, ἐὰν μήθ᾽ὑβρίζειν τὸν
ὄχλον ἐᾷς μήθ᾽ὑβριζόμενον περιορᾷς, ἀλλὰ σκοπῇς ὅπως οἱ βέλτιστοι μὲν τὰς τιμὰς
ἕξουσιν, οἱ δ᾽ἄλλοι μηδὲν ἀδικήσονται· ταῦτα γὰρ στοιχεῖα πρῶτα καὶ μέγιστα
χρηστῆς πολιτείας ἐστίν.
[…]
Οἴκει
τὴν πόλιν ὁμοίως ὥσπερ τὸν πατρῷον οἶκον ταῖς μὲν κατασκευαῖς λαμπρῶς καὶ
βασιλικῶς, ταῖς δὲ πράξεσιν ἀκριβῶς, ἵν᾽εὐδοκιμῇς ἅμα καὶ διαρκῇς.
[…]
Τὰ
μὲν πρὸς τοὺς θεοὺς ποίει μὲν ὡς οἱ πρόγονοι δεδιδάχασιν, ἡγοῦ δὲ τοῦτο εἶναι θῦμα
κάλλιστον καὶ θεραπείαν μεγίστην, ἐὰν ὡς βέλτιστον καὶ δικαιότατον σαυτὸν
παρέχῃς.
Nessun commento:
Posta un commento