Οὐκ ἐν τοῖς σκιραφείοις οἱ
νεώτεροι διέτριβον,
οὐδ᾽ἐν ταῖς αὐλητρίσιν,
οὐδ᾽ἐν τοῖς τοιούτοις
συλλόγοις
ἐν οἷς νῦν
διημερεύουσιν,
ἀλλ᾽ἐν τοῖς ἐπιτηδεύμασιν
ἔμενον
ἐν οἷς ἐπαιδεύοντο,
θαυμάζοντες καὶ
ζηλοῦντες
τοὺς ἐν τούτοις
πρωτεύοντας.
Οὕτω δ᾽ἔφευγον τὴν ἀγορὰν
ὥστε,
ὅτε ἀναγκάζοιντο
διέρχεσθαι,
ἐφαίνοντο
μετὰ πολλῆς αἰδοῦς
καὶ σωφροσύνης τοῦτο ποιοῦντες.
Ἀντιλέγειν δὲ τοῖς
πρεσβυτέροις
ἢ λοιδορεῖν
δεινότερον ἐνόμιζον
ἢ νῦν περὶ τοὺς
γονέας ἐξαμαρτάνειν.
Ἐν καπηλείῳ δὲ ἐσθίειν
ἢ πίνειν
οὐδεὶς νεανιῶν μετρίων ἐπιεικῶς
ἐτόλμα.
Σεμνύνεσθαι γὰρ
ἐμελέτων,
ἀλλ᾽οὐ
βωμολοχεύεσθαι·
καὶ τοὺς εὐτραπέλους δὲ καὶ
τοὺς ἀσελγεῖς,
οὓς νῦν εὐφυεῖς
προσαγορεύουσιν,
ἐκεῖνοι δυστυχεῖς ἐνόμιζον.
Nessun commento:
Posta un commento