Videamus
quid sit exsilium.
Nempe loci commutatio est.
Primum considerare volo
quae causae huius loci commutationis sint.
Aspice agedum hanc frequentiam,
cui vix urbis immensae tecta sufficiunt:
maxima pars istius turbae patria
caret.
Ex municipiis et coloniis suis, ex
toto denique orbe terrarum confluxerunt.
Alios adduxit ambitio,
alios necessitas offici publici,
alios imposita legatio,
alios liberalium studiorum cupiditas,
alios spectacula;
quosdam traxit amicitia,
quosdam industria;
quidam venalem formam attulerunt,
quidam venalem eloquentiam.
Nec omnibus eadem causa reliquendi (=
di lasciare) patriam fuit:
alios excidia urbium suarum
expulerunt,
alios domestica seditio summovit,
alios pestilentia aut frequentes
terrarum hiatus eiecerunt:
alios alia causa excivit domibus suis.
Vix denique ullam terram invenies
quam etiamnunc indigenae colant.
Nessun commento:
Posta un commento