Philippo Alexander filius successit
qui virtute et vitiis patrem anteiit. Vincendi (= di vittoria) ratio quoque
utrique diversa fuit. Hic aperte, ille artibus bella tractabat. Ille laetus
erat cum decipiebat hostes, hic cum eos palam fundebat. Prudentior ille
consilio, hic animo magnificentior. Iram pater dissimulabat, plerumque etiam
vincebat; hic cum exarsisset, nec dilatio ultionis nec modus erat. Vini nimis
uterque avidus, sed ebrietatis diversa vitia. Quidam dicunt Alexandrum non
solum in hostem, sed etiam in suos saevire. Quam ob rem saepe Philippum
vulneratum proelia remiserunt; hic amicorum interfector convivio frequenter
exiit. Regnare (= comportarsi da re) ille cum amicis nolebat, hic in amicos
regna exercebat. Litterarum cultus utrique similis fuit. Sollertiae pater
maioris, hic fidei. Frugalitati pater, luxuriae filius magis deditus erat.
Nessun commento:
Posta un commento