Nego
in Sicilia tota, tam locupleti, tam vetere provincia, ullum argenteum vas,
ullum Corinthium aut Deliacum fuisse,
ullam gemmam aut margaritam,
quicquam
ex auro aut ebore factum,
signum ullum aeneum, marmoreum, eburneum,
nego
ullam picturam neque in tabula neque in textili,
quin (= che non) Verres conquisierit,
inspexerit,
quod placitum sit,
abstulerit.
Dico
istum nihil in aedibus cuiusquam,
ne in hospitis aedibus quidem,
nihil in locis communibus,
ne in fanis quidem,
nihil apud Siculum,
nihil apud civem Romanum,
denique nihil
quod ad oculos animumque acciderit,
neque privati neque publici,
neque profani neque sacri,
tota in Sicilia reliquisse.
Nessun commento:
Posta un commento