Timidae columbae valde aquilam timebant
et multis curis semper vitam agebant.
Olim aquila ad columbas volat,
fallaciam adhibet
et teneras columbas callidis verbis sic circumvenit:
«Cur vitam tam anxiam ducitis?
Amicitiam mecum coniungite!
Aquilam reginam vestram create;
sic ab aquila semper columbae defendentur
et iniurias aliarum bestiarum vitabunt!».
Quod
incaute columbae aquilae verbis credunt
et
oboediunt,
callida aquila imperium obtinet:
statim multas columbas arripuit
devoratque
et crudeliter regnat.
Columba cum paucis amicis superstitibus maesta dicit:
«Merito poenam ob imprudentiam nostram pendimus!».
Fabella sic docet:
si
tutelam ab improbo petis,
ruinam certam invenies.
Nessun commento:
Posta un commento