Pastor,
qui
in misera domo vivebat,
amicitiam cum satyro contraxit,
et eum die hiemali domum suam duxit.
Tota planities glacie rigebat:
etiam in domo pastoris acre frigus erat;
quare pastor ad os manum admovit
et adflavit.
Tum satyrus eum interrogavit:
«Cur flatum ita ex ore emittis?».
Pastor respondit:
«Manus meae frigore gelidae sunt;
ideo eas flatu calefacio».
Postea pastoris mulier cibos in mensa posuit
et,
quoniam
nimis calidi erant,
pastor eos ad os admovit
et adflavit,
deinde edit.
Tum rursus satyrus pastorem interrogavit:
«Cur ita agis?».
Pastor respondit:
«Cibos refrigero,
quod
nimio calore gustatui displicent
et
ori stomachoque nocent».
Tum satyrus:
«Rem miram facis,
quoniam
eodem (= col medesimo) flatu frigida calefacis,
calida
refrigeras!».
Nessun commento:
Posta un commento