Δύο τινὲς ἀλλήλοις
ἐχθραίνοντες ἐπὶ τῆς αὐτῆς νεὼς ἔπλεον, ὧν ἕτερος μὲν ἐπὶ τῆς πρύμνης, ἕτερος
δὲ ἐπὶ τῆς πρώρας ἐκάθητο. Χειμῶνος δὲ ἐπιγιγνομένου καὶ τῆς νεὼς μελλούσης ἤδη
καταποντίζεσθαι, ὁ ἐπὶ τῆς πρύμνης τὸν κυβερνήτην ἤρετο πότερον τῶν μερῶν τοῦ
πλοίου πρότερον μέλλει καταβαπτίζεσθαι. Τοῦ δὲ λέγοντος τὴν πρώραν, ὁ μὲν
ἀπεκρίνετο· «Ἀλλ’ἔμοιγε οὐκ ἔστι λυπηρὸς ὁ θάνατος, ὅτε ὁρᾶν μέλλω πρὸ ἐμοῦ τὸν
ἐχθρὸν ἀποθνῄσκοντα». Ὁ μῦθος δηλοῖ ὅτι πολλοὶ τῶν ἀνθρώπων οὐδὲν τῆς ἑαυτῶν
βλάβης φροντίζουσιν, ὁρῶντες τοὺς ἐχθροὺς πρὸ αὐτῶν κακουμένους.
Nessun commento:
Posta un commento