Vetus oppidum et clarum in Arcadia Pallanteum fuit.
Regionis imperium Evander, Carmentis nymphae filius,
tenebat.
Is, civibus invisus ob patris caedem, matris admonitu,
domum reliquit
et cum ea et paucis comitibus exul ab Arcadia in Italiam
navigavit
et in Latium pervenit.
Ob singularem eruditionem atque litterarum scientiam
brevi tempore in familiaritatem Fauni, Latinorum regis, intravit.
Itaque rex summa cum benignitate non parvum agri modum
hospiti Arcadi donavit.
Tum Evander terram comitibus suis distribuit
et domicilia aedificavit in propinquo monte,
quem
Pallantem appellavit,
ibique Pani, deo Arcadibus grato, fanum dedicavit.
Evander multos annos modeste ac moderate regnavit
et multa beneficia incolis Italicis dedit:
sementis usum edocuit,
fruges ostendit,
agrestium hominum mores mitigavit,
quia
legere et scribere edocuit.
Senex Aeneam hospitaliter tractavit
et ei contra Latinos auxilia cum Pallante, filio suo,
libenter dedit.
Nessun commento:
Posta un commento