A Romanis bellum indictum est urbi Tarento. Pyrrhus,
Epiri rex, cum ingenti exercitu domo sua in Italiam venit et Tarentinis
auxilium praebuit. A senatu contra Pyrrhum P. Valerius Laevinus consul missus
est. Pugna commissa est, sed a rege elephanti contra exercitum Romanum acti
sunt. Terribili beluarum aspectu milites territi sunt. Pyrrhus deinde ad Urbem
magnis itineribus contendit. Regis adventus magnum metum Romanis iniecit. A
senatu novus exercitus conscriptus est et contra regem missus, sed Pyrrhus in
Campaniam confugit. M'. Curius Dentatus postea per Italiae saltus Pyrrhum
lacessivit, regem proelio vicit et hostes fugavit. Romani autem regis reditum
metuebant, sed inopinatus Pyrrhi interitus Romanos metu liberavit.
Nessun commento:
Posta un commento