Damocles, Dionysii adsentator, semper tyranni copias,
opes, maiestatem imperii et vitam beatam laudabat et beatum tyrannum iudicabat;
itaque, ob nimias laudes, Damocles a Dionysio ante mensam dapum lautarum,
vasorum aureorum argenteorumque plenam, in triclinio magnifico, sed sub ense
insidioso collocatus est. Statim Damocles principum vitae veridicam imaginem
habuit: ut (= come) ensis Damocli impendet, sic (= così) multa pericula tyrannis
impendent. Nam tyranni numquam laeti sunt, sed machinationes semper cum
anxietate timent. Tunc mensa, delicatae dapes et pulchra vasa non amplius magna
cupiditate a Damocle aspecta sunt; ad (= per) felicitatem suam vitam
pauperculam, sed liberam securamque solum desideravit.
Nessun commento:
Posta un commento