Servio
Tullio regnante, templum Dianae sacrum a populis Latinis Romae aedificatum est.
Paulo post cuidam patri familiae in agro Sabino mirae magnitudinis et eximiae
formae quaedam vacca nata est. In somnio illi hoc oraculum datum est: «Ei
populo, cuius civis aliquis manibus suis vaccam illam Dianae immolaverit, erit
summum imperium». Laetus ea re dominus bovem summa cum festinatione Romam egit
et in Aventino ante aram Dianae constituit ut sacrificio Sabinis regimen humani
generis daret; rem sacerdoti Romano narravit. Sacerdos callidus iussit eum
antea proximo flumine manus abluere. Sabino autem Tiberim descendente, statim
ipse vaccam immolavit; ita sacrificii furto imperium civibus suis, sibique
gloriam dedit.
Nessun commento:
Posta un commento