Tali modo vastatis regionibus
exercitum Caesar duarum cohortium damno Durocortorum Remorum reducit,
concilioque in eum locum Galliae indicto, de coniuratione Senonum et Carnutum
quaestionem habere instituit et de Accone, qui princeps eius consilii fuerat,
graviore sententia pronuntiata, more maiorum supplicium sumpsit. Nonnulli
iudicium timentes profugerunt. Quibus cum aqua atque igni interdixisset, duas
legiones ad fines Treverorum, duas in Lingonibus, sex reliquas in Senonum
finibus Agedinci in hibernis conlocavit frumentoque exercitui proviso, ut
instituerat, in Italiam profectus est.
Nessun commento:
Posta un commento