Narro
tibi me relegatum esse in Formiano. Dies enim nullus erat, Antii cum essem, quo
non melius scirem quid Romae ageretur quam ii qui erant Romae. Etenim litterae
tuae, non solum quid Romae, sed etiam quid in re publica, neque solum quid
accideret, verum etiam quid futurum esset, indicabant. Nunc non multum scire
possumus. Quare, quamquam (= sebbene) iam te ipsum exspecto, tamen isti puero,
quem ad me statim iussi recurrere, da ponderosam epistulam, plenam omnium non
modo rerum actarum sed etiam opinionum tuarum, ac diem quo Roma sis excessurus
cura ut sciam. Nos in Formiano esse volumus usque ad pridie Nonas Maias. Eo si
ante eam diem non veneris, Romae te fortasse videbo. Cura ut valeas.
Nessun commento:
Posta un commento