Antiqui non ut ornamentum, sed ut
signum anulum gestabant.
Unde nec plus quam unum anulum habere
licebat nec cuiquam nisi libero.
Ideo ius anulorum famuli non habebant.
In anulo seu ex ferro seu ex auro
sculptura erat
et eum gestabat quisque libere
quolibet digito.
Postea usus luxuriosioris aetatis
signaturas pretiosis gemmis insculpere coepit:
ita anulorum usum dexterae manui
exemerunt,
sinistrae relegaverunt,
quae otiosior est.
Elegerunt autem in ipsa laeva manu
digitum minimo proximum ut aptiorem
et ei anuli pretiositatem
commendaverunt.
Nam pollex semper in officio est;
digitus vero index nudus et sine tuitione
apparebat;
medium et minimum vitaverunt ut
ineptos,
alterum magnitudine,
brevitate alterum.
Nessun commento:
Posta un commento