Marcellus, ubi ad villam venit, fundum
circumiit et cognovit quomodo villicus eum coluisset. Postridie villicum ad se
vocavit et rogavit quae opera in villa fecisset. Villicus respondit: «Novum
stabulum aedificavi, nam vetus nimis angustum erat». Exposuit quam ruinosa
fuisset cella vinaria, quomodo eam firmiorem refecisset. Marcellus eum laudavit
et rogavit quid in agris fecisset, satisne ad tempus opera confecisset.
Villicus dixit: «Servi poma omnia collegerunt et magnam vini copiam fecerunt».
Marcellus autem quaesivit quale vinum fuisset, tum villicus respondit: «Nescio
quale fuerit, nam aeger fui et doleo quod vinum novum gustare non potui».
Nessun commento:
Posta un commento