Caesari
omnia uno tempore erant agenda: vexillum proponendum, ab opere revocandi
milites; arcessendi ii, qui paulo longius aggeris petendi causa processerant;
acies instruenda; milites cohortandi; signum dandum. Quarum
rerum magnam partem temporis brevitas et successus hostium impediebat. His
difficultatibus duae res erant subsidio, scientia atque usus militum; milites
enim, superioribus proeliis exercitati, etiam sine ducibus, ipsi sibi quid
faciendum esset sciebant. Hi propter propinquitatem et celeritatem hostium
Caesaris imperium non expectabant, sed per se quae opportuna erant
administrabant. Caesar,
necessariis rebus imperatis, ad cohortandos milites decurrebat.
Nessun commento:
Posta un commento