Leo, qui
silvae bestias crudelissime persequi solitus erat, gravissimo morbo affectus,
ante specum suum recubabat. Cum id cognovissent, omnes bestiae, quae ab eo
plurima mala passae erant, confisae inimicum suum brevi moriturum esse, maxime
eius morbo gavisae sunt atque ad eum accurrerunt, ut ulciscerentur. Itaque lupus dentibus leonem adortus est et ipse asinus, inter ceteras
bestias quae leonem morientem aggrediebantur, ungulis eum percussit, leonis
infirmitate confisus. Cum solus equus regem animalium non adoriretur, asinus
dixit: «Cur mala quae passus es ulcisci cunctaris? Reminiscere matrem tuam
istius morsibus mortuam esse!». At equus: «Non sum ego similis vobis inimicum
aegrum aggredientibus nec adoriri soleo eum qui se defendere non potest. Me
ignavum ipse putarem, si exemplum vestrum sequerer».
Nessun commento:
Posta un commento