Hannibal
conflixerat apud Rhodanum cum Publio Cornelio Scipione consule
eumque
pepulerat.
Cum hoc
eodem Clastidii apud Padum decernit
sauciumque
inde ac fugatum dimittit.
Tertio
idem Scipio cum collega Tiberio Longo apud Trebiam adversus eum venit.
Hannibal cum iis manum conseruit,
utrosque profligavit.
Inde per Ligures Appenninum transiit,
petens
Etruriam.
Caium Flaminium consulem apud Trasumenum cum exercitu
insidiis
circumventum
occidit,
neque multo post Caium Centenium praetorem
cum
delecta manu saltus occupantem.
Hinc in Apuliam pervenit.
Ibi obviam ei venerunt duo consules, Caius Terentius
et Lucius Aemilius.
Utriusque
exercitus uno proelio fugavit,
Paulum consulem occidit et aliquot praeterea
consulares,
in his Cnaeum Servilium Geminum,
qui superiore anno
fuerat consul.
Nessun commento:
Posta un commento