Ἀνὴρ
ξύλινον θεὸν ἔχων, πένης καὶ τάλας ὤν, καθικέτευε τοῦ ἀγαθοποιεῖν. Ἐπεὶ ὁ θεὸς
οὐκ ἐχαρίζετο τῇ εὐχῇ καὶ μᾶλλον ἐν πενίᾳ ἐκεῖνον διῆγε, ὁ ἄνθρωπος ὀργιζόμενος
ἐκ τοῦ σκέλους αἴρων τὸ τοῦ θεοῦ ἄγαλμα τῷ τοίχῳ προσέβαλλε. Τῆς δὲ κεφαλῆς τοῦ
ξυλίνου θεοῦ κλωμένης, παραχρῆμα ἔρρει χρυσὸς ἐξ αὐτῆς καὶ συλλέγων ὁ ἄνθρωπος ἐβόα·
«Στρεβλὸς τυγχάνεις ὢν καὶ ἄδικος· ὅτε γὰρ ἐτίμων σε, οὐκ ἐπήκουες ταῖς ἐμαῖς εὐχαῖς·
νῦν δὲ μετὰ πληγὰς καὶ ἀδικίας, δῶρα τιμήεντα ἀντιλαμβάνω». Ὥσπερ ὁ μῦθος δηλοῖ,
οἱ πένητες ὠφελείας οὐ τυγχάνουσιν πονηρὸν ἄνδρα τιμῶντες· τύπτοντες δὲ αὐτὸν λυσιτελὲς
κέρδος καὶ ἀνέλπιστον λαμβάνουσιν.
Nessun commento:
Posta un commento