Μενέλαος
δὲ βουλόμενος τιμωρεῖσθαι τῆς ἁρπαγῆς τῆς Ἑλένης ἥκει εἰς Μυκήνην πρὸς τὸν εὐγενῆ
Ἀγαμέμνονα, καὶ δεῖται τοῦ ἀδελφοῦ ἀθροίζειν μεγάλην στρατιὰν ἀπὸ τῆς πάσης Ἑλλάδος.
Ὁ δὲ πέμπει κήρυκας πρὸς πάντα Ἑλληνικὸν ἄνακτα, βουλόμενος στρατεύειν ἐπὶ τὴν
Τροίαν τὴν εὐδαίμονα· ὄντων δὲ πάντων τῶν ἀνάκτων προθύμων στρατεύεσθαι, ἑκόντες
δέχονται τὴν γνώμην καὶ ἅπαντες ἀθροίζονται εἰς Αὐλίδα. Οἱ δὲ κήρυκες παραγίγνονται
καὶ πρὸς Ὀδυσσέα. Ὁ δὲ οὐ βουλόμενος στρατεύεσθαι προσποιεῖται μανίαν. Παλαμήδης
δὲ ὁ Ναυπλίου ἐλέγχει τὴν μανίαν ψευδῆ, καὶ τῷ προσποιουμένῳ μαίνεσθαι
παρακολουθεῖ· ἁρπάζων δὲ Τηλέμαχον ἐκ τοῦ κόλπου τῆς Πηνελόποης τὸ ξίφος ἕλκει ὡς
μέλλων κτείνειν τὸ παιδίον. Ὁ δὲ Ὀδυσσεὺς περὶ τοῦ παιδὸς εὐλαβούμενος ὁμολογεῖ
τὴν προσποίητον μανίαν καὶ ἀναγκάζεται στρατεύεσθαι.
Nessun commento:
Posta un commento